|
2.9.03
Þessi dagur hefur verið með hefðbundnu sniði og móttakan gengið vel. Var í fyrsta sinn á kvöldvakt en dræm mæting. Tók upp á þeirri nýbreytni að skokka smávegis í hádeginu, fór svona 4 km leið og var að mestu í Miklatúni. Reyndar var grenjandi rigning til að byrja með en ég var sá aulinn að gleyma regnjakka að hlaupa í en kom þó ekki svo að sök. Kanski að maður fari að hafa þetta oftar í huga að taka smá liðkunartúr í hádeginu, því ekki það.
Eyjolfur 10:26 f.h.
1.9.03
Ég held að hlutirnir séu bara komnir á nokkuð gott skrið hjá mér núna. Slakaði á í gær og í stað hlaupa var það rólegur hjólatúr með Mæju og Katrínu niður í Nauthólsvík. Við snæddum á Nauthóli, ágætis reykt silungasallat og rjómakakó á eftir og fór vel í maga. Tölvan er komin í gott lag, var alltaf að frjósa og að endingu var ég orðinn þreyttur á þessu og fór með hana í Tölvulistann og reif kjaft og kom í ljós að biásinn var vitlaust stilltur, minnið var stillt á fast (hvað sem það þýðir nú). Farinn að stimpla mig inn og úr vinnunni í kerfinu "Tímon", en mér finnst þetta í raun vera andleg misþyrming að standa í þessu. Hljóp 9 km í dag með hressu HÁS liði og vikan leggst vel í mig. Fór 2x 1000 og ca 4 x 100 og var nokkuð frískandi. Nú liggur Brúarhlaupið fyrir þann 6/9 og mikilvægt að reyna að keyra sig ekki um of ef vel á að takast (þ.e. undir 1:40).
Katrín var í einhverjum mínus yfir reikningnum í dag en ég held að það eigi eftir að jafna sig.
Eyjolfur 1:37 e.h.
|